ՋԱՀԵՐՈՎ ԵՐԹ ԵՂԵԳՆԱՁՈՐՈՒՄ. ԵՂԵՌՆԻ ԶՈՀԵՐԻ ՈԳԵԿՈՉՈՒՄԸ ՎԱՅՈՑ ՁՈՐՈՒՄ


Ապրիլի 23-ի երեկոյան Վայոց Ձորի թեմի Եղեգնաձորի Քարոզչական կենտրոնի նախաձեռնությամբ Եղեգնաձորում կազմակերպվեց արդեն ավանդույթ դարձած ջահերով երթ՝ դեպի Եղեգնաձոր քաղաքի Մեծ եղեռնի զոհերի հիշատակը հավերժացնող հուշարձան կոթող, որտեղ  համատեղ աղոթքից հետո  ելույթ ունեցան Տեր Վազգեն քահանա Հովհաննիսյանը և Վայոց Ձորի մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանը:

Երթին մասնակցեցին Արփիար Ղազարյանը, Մայր Աթոռ Սուրբ Էջմիածնի Վայոց Ձորի ՔԴԿ-ի պատասխանատու Հուսիկ Հարությունյանը, Եղեգնաձորի Քարոզչական կենտրոնը՝ օրվա խորհուրդն արտահայտող ցուցապաստառներով, ինչպես նաև  մարզի դպրոցականներ և մարզում գործող բարձրագույն և միջնակարգ մասնագիտական ուսումնական հաստատություններում սովորող ուսանողներ և ժողովրդի հոծ բազմությունը`ազգային երգեր կատարելով:

This slideshow requires JavaScript.

Այնուհետև երթի մասնակիցները եկան Եղեգնաձորի Սուրբ Աստվածածին եկեղեցի, որտեղ ելույթ ունեցավ Վայոց Ձորի թեմի առաջնորդ գերաշնորհ Տեր Աբրահամ եպիսկոպոս Մկրտչյանը, ում ելույթին հաջորդեց Տ. Զարեհ վարդապետ Կաբաղյանի ոգեշունչ քարոզը` նվիրված օրվա խորհրդին:

Եղեռնի զոհերի ոգեկոչումը Վայոց Ձորում

Ապրիլի 24-ին առաջնորդանիստ  Սուրբ Աստվածածին եկեղեցում կատարվեց հոգեհանգստյան կարգ` նվիրված Մեծ եղեռնի զոհերի հիշատակին, որից հետո Վայոց Ձորի թեմի առաջնորդ գերաշնորհ Տեր Աբրահամ եպիսկոպոս Մկրտչյանի և Վայոց Ձորի մարզպետ  Սերգեյ Բագրատյանի գլխավորությամբ` հոգևորականների, մարզային իշխանության ներկայացուցիչների և ժողովրդի հոծ բազմությունը բարձրացավ եղեռնի զոհերին նվիրված հուշարձան կոթող` ծաղկեպսակներ և ծաղիկներ դնելով հուշակոթողին:

Այդ օրը Եղեգնաձորի տարածաշրջանի հոգևոր հովիվ Տեր Վազգեն քահանա Հովհաննիսյանը հոգեհանգստյան կարգ կատարեց նաև Մալիշկայի Սուրբ Աննա եկեղեցում:
Արարողությանը ներկա էին Մալիշկայի գյուղապետ Մհեր Մովսիսյանը, մանկավարժներ, դաստիարակներ, գյուղի դպրոցների աշակերտներ, մանկապարտեզների սաներ, բնակիչներ:

Սիրան Սարգսյան
Վայոց Ձորի թեմի ՔԴԿ-ի
լրատվության բաժին

Advertisements

ԿԱՆԱՉ ԿԻՐԱԿԻՆ ՆՈՐԱՎԱՆՔՈՒՄ


«Երկրպագեմք Քեզ Քրիստոս, որ ի ձեռն սրբոց առաքելոցն ծանուցար մեզ և  աշակերտեալք ի սրբոց առաքելոցն ուսաք փառաւորել զՔեզ ի տաճարի սրբութեան Քո` զոր հիմնեցուցեր ի վերայ վիմի հաւատոյ»: 
(Շարական)

Հայաստանյաց Առաքելական Սուրբ Եկեղեցին Քրիստոսի Հարությանը հաջորդող երրորդ կիրակին անվանում է Աշխարհամատրան՝ ի հիշատակ Երուսաղեմի առաջին եկեղեցու հիմնադրման: Այն անվանում են նաև Կանաչ կիրակի, որն ըստ Մաղաքիա արք. Օրմանյանի՝ տոնի ժողովրդական անվանումն է, կապված բնության, գարնանային զարթոնքի հետ: Այդ օրը Եկեղեցին նշում է Հիսուս Քրիստոսի հաստատած Ընդհանրական, մեկ միասնական Եկեղեցու տոնը:  Աշխարհամատուռը, որպես Հիսուս Քրիստոսի ցանած սերմի  առաջին կանաչ ծիլ, աճեց, ծլարձակեց, ծաղկեց, բազմացավ և դարձավ աշխարհի ամենատարածված Եկեղեցին: Կանաչ կիրակին մեզ հիշեցնում է, որ կյանքը Հիսուս Քրիստոսով մշտադալար է, ինչպես բնությունն է մշտնջենական, նույնպես և կյանքը հարության հույսով մշտնջենական է ու հարատև:

This slideshow requires JavaScript.

Այս տարի Կանաչ կիրակին տոնվեց ապրիլի 22-ին:
Այդ օրը հատկապես սիրելի է վայոցձորցիների համար, քանի որ 1999թ-ի հենց այդ օրը երջանկահիշատակ Գարեգին Ա Ամենայն Հայոց Կաթողիկոսի ձեռամբ օծվեց և վերաբացվեց Նորավանքը, որ տարիներ շարունակ փակ էր: Այդ հիշարժան օրվանից սկսած Կանաչ կիրակին դարձավ Նորավանքի ուխտի օր:

Տոնի օրը Վայոց Ձորի թեմի Եղեգնաձորի ՔԴԿ-ի ջանքերով բազմաթիվ  ուսանողներ, Վայոց Ձորի թեմի խմբակների սաներ, Երիտասարդացմիության անդամներ, Եղեգնաձորի ու գյուղերի  դպրոցների ուսուցիչներ ևաշակերտներ, ովքեր իրենց մասնակցությունն էին  ունեցել ՔԴԿ-ի կողմիցկազմակերպված միջոցառումներին, հնարավորություն ունեցան տոնըմիասին նշելու: Նրանց տեղափոխման ծախսերը հոգաց Վայոց Ձորի թեմը:

Շատերի համար սիրված ու սպասված այս տոնը՝  Կանաչ կիրակին, Նորավանքում էր հավաքել ոչ միայն վայոցձորցիներին, այլև հանրապետության տարբեր քաղաքներից ու գյուղերից ժամանած ուխտավորներին: Տոնը շատ սիրված է հատկապես զբոսաշրջիկների կողմից, որոնց համար այս սրբավայրն անկրկնելի տպավորությունների ու հիշողությունների աղբյուր է:
Նորավանքի ուխտավորները  մասնակցեցին Սբ. Պատարագին: Սբ. Պատարագը մատուցվեց Նորավանքի հոգևոր հովիվ Տ. Սեպուհ քահանա Հարությունյանի կողմից, որին ներկա էին Վայոց Ձորի թեմի առաջնորդ գերաշնորհ Տ. Աբրահամ եպիսկոպոս Մկրտչյանը, Վայոց Ձորի թեմի նորանշանակ հոգևորական Տ. Զարեհ վարդապետ Կաբաղյանը և թեմի այլ հոգևորականներ:
Սբ. Պատարագի ավարտին տեղի ունեցավ Նորավանքի տոնին նվիրված միջոցառում, որը կազմակերպվել էր Վայոց Ձորի թեմի Եղեգնաձորի ՔԴԿ-ի կողմից:

Միջոցառման բացման ավարտին ելույթ ունեցավ թեմակալ առաջնորդ Աբրահամ Սրբազանը, ով իր խոսքում մասնավորապես ասաց.<<Հարգելի′  ժողովուրդ, սիրելի′  ուսանողներ, աշակերտներ, երեխաներ, այսօր տոն է ամբողջ մեր Վայոց Ձորի համար, որովհետև դեռևս 700 տարի առաջ էր, որ այստեղից ժողովուրդը տեսավ Նորավանքը այնպիսին, ինչպիսին տեսնում ենք այսօր մենք: Եվ այս հրաշքը տեղի ունեցավ, որովհետև 1700-ամյա տոնակատարության հետ կապված, գտնվեց մի ընտանիք Կանադայում, որը Հայաստանում չէր եղել, Հայաստանը չէր տեսել և միայն Նորավանքի նկարները տեսնելով՝ ստանձնեց այս սուրբ կառույցի  վերանորոգումը ու վերականգնեց և այսօրվա տեսքին հասցրեց: Դա մենք գիտենք, որ Հաճեթյան ընտանիքն է, որը մինչև այսօր հոգատար է այս եկեղեցու հանդեպ: Continue reading

ԻՆՏԵԼԵԿՏՈՒԱԼ ՄՐՑՈՒՅԹ՝ “ՀԱՅՈՑ ԵԿԵՂԵՑՈՒ ՊԱՏՄ.” ԱՌԱՐԿԱՅԻՑ


Ապրիլի 19-ին և 20-ին  Վայոց Ձորի թեմի առաջնորդարանում տեղի ունեցավ  ինտելեկտուալ խաղ-մրցույթ՝ <<Հայոց եկեղեցու պատմություն>> առարկայից, որը  կազմակերպվել էր Վայոց Ձորի թեմի Եղեգնաձորի ՔԴԿ-ի կողմից:
Մրցույթին մասնակցեցին Եղեգնաձորի ավագ դպրոցի (ուսուցչուհի՝ Հրանուշ Եսայան) և Ռինդի (ուսուցչուհի՝ Կոստանյան Ռուզան ), Արփիի  (ուսուցչուհի՝ Սաղաթելյան Հեղինե), Ագարակաձորի (ուսուցչուհի՝ Ավագյան Հերիքնազ), Թառաթումբի(ուսուցիչ՝ Մարտիրոսյան Արմեն),Վերնաշենի (ուսուցչուհի՝ Անդրեասյան  Սվետլաննա), Չիվայի (ուսուցչուհի՝ Հարությունյան Սուսաննա) ու Շատինի (ուսուցչուհի՝ Հովակիմյան Շուշանիկ) միջնակարգ դպրոցների 5-7-րդ դասարանների աշակերտները:

This slideshow requires JavaScript.

Ժյուրիի կազմում էին հոգեշնորհ Տ. Զարեհ վարդապետ Կաբաղյանը, Մայր Աթոռ Սուրբ Էջմիածնի Վայոց Ձորի ՔԴԿ-ի պատասխանատու Հուսիկ Հարությունյանը, Եղեգնաձորի ՔԴԿ-ի պատասխանատու, Եղեգնաձորի թիվ 2 հիմն. դպրոցի <<Հայոց եկեղեցու պատմություն>> առարկայի ուսուցչուհի Ռուզան Կարապետյանը և Մալիշկայի թիվ 2 միջն. դպրոցի ուսուցչուհի Լիլիթ Հարությունյանը:
Մրցույթն սկսելիս իր ողջույնի խոսքով մասնակիցներին ու թիմերին հաջողություն մաղթեց Տ. Զարեհ վարդապետ Կաբաղյանը:
Խաղի հարցերը կազմված էին 5-7-րդ դասարանների <<Հայոց եկեղեցու պատմ.>> դասագրքերից:
Մրցույթն  ընթացավ բավականին լարված, բայց հետաքրքիր:

Վերջին փուլում մասնակից թիմերը հանդես եկան շարականների կատարմամբ:
Բոլոր ութ թիմերն էլ  ցույց տվեցին բավականին գեղեցիկ խաղ՝ վաստակելով բարձր միավորներ:

Ամփոփիչ արդյունքներով, առաջին տեղը գրավեց Ագարակաձորի միջն. դպրոցի թիմը, իսկ երկրորդը՝  Չիվայի  թիմը, երրորդը՝ Ռինդի թիմը:
Նորավանքի տոնին նվիրված միջոցառման ընթացքում մասնակից թիմերը Վայոց Ձորի թեմի առաջնորդ գերաշնորհ Տեր Աբրահամ եպիսկոպոս Մկրտչյանի կողմից ստացան պատվոգրեր, իսկ մրցանակային տեղեր գրաված թիմերը էքսկուրսիա են գնալու Մայր Աթոռ Սուրբ Էջմիածին՝ թեմի հովանավորությամբ:

Մրցույթի ավարտին ելույթ ունեցան ժյուրիի անդամները, ովքեր աշակերտներին մաղթեցին անսպառ ուժ ու նորանոր հաղթանակներ:

Խաղն ավարտվեց <<Տերունական աղոթք>>-ով:

Սիրան Սարգսյան

                                                                                Վայոց Ձորի թեմի ՔԴԿ-ի
լրատվության բաժին

«ՀԱՂԹԱՆԱԿՆԵՐԻ ԳԱՐՈՒՆ» ԽՈՐԱԳՐՈՎ ՑՈՒՑԱՀԱՆԴԵՍ ԵՂԵԳՆԱՁՈՐԻ «ԳԻՏԵԼԻՔ» ՀԱՄԱԼՍԱՐԱՆՈՒՄ


Օրերս Եղեգնաձորի «Գիտելիք» համալսարանում տեղիունեցավ «Հաղթանակների գարուն» խորագրով  ցուցահանդես,  որը կազմակերպվել էր Վայոց Ձորի թեմի Եղեգնաձորի ՔԴԿ-ի կողմից:

Ներկաների թվում էին Վայոց Ձորի թեմի առաջնորդ գերաշնորհ Տեր Աբրահամ եպիսկոպոս Մկրտչյանը, Եղեգնաձորի տարածաշրջանի հոգևոր հովիվ Տեր Վազգեն քահանա Հովհաննիսյանը, Եղեգնաձորի փոխքաղաքապետ Վարդգես Հարությունյանը, «Գիտելիք» համալսարանի աշխատակազմը, ուսանողներ, աշակերտներ և այլք:

This slideshow requires JavaScript.

Հյուրերին ներկայացվեցին Վայոց Ձորի թեմի բատիկայի խմբակի (ուսուցչուհի` Նելլի Հովհաննիսյան) սաների և «Գիտելիք» համալսարանի խեցեգործության ու քանդակի խմբակի ուսանողների աշխատանքները:

Վերոհիշյալ դեկորատիվ-կիրառական արվեստի ճյուղերի, այդ թվում և  պլաստիկայի, ծագման մասին համառոտ տեղեկություններ ներկայացրին Աննա Ավագյանն ու Լուսինե Հովհաննիսյանը:

Միջոցառման մասնակիցներին ողջունեց թեմակալ առաջնորդ Աբրահամ Սրբազանը:
Ֆլեյտայի հնչյունների ներքո ներկաները դիտեցին աշխատանքները՝ հնարավորություն ստանալով նաև ինքնուրույն պատրաստել:

Միջոցառումն անցավ ջերմ ու անմիջական մթնոլորտում:

Սիրան Սարգսյան

Վայոց Ձորի թեմի ՔԴԿ-ի
լրատվության բաժին

ՍՈՒՐԲ ՀԱՐՈՒԹՅԱՆ ՏՈՆԸ ՎԱՅՈՑ ՁՈՐԻ ԹԵՄՈՒՄ


 

Հիսուս Քրիստոսի հրաշափառ  Հարությունը Եկեղեցու մեծագույն տոներից է:

 Սբ. Հարությունը մեր Տիրոջ՝ Հիսուս Քրիստոսի մահվանը հաղթելու, մարդկանց հավիտենական կյանքի, երկնքի Արքայությանն արժանանալու հույսի փրկագործ խորհուրդն ունի:

Սուրբ Հարության տոնը՝ Զատիկը, գերազանցապես մարդկության հոգևոր և բարոյական վերածնության տոնն է: Զատիկը հավիտենական գարնան և հավերժական կյանքի տոն է: Մահվան ու  չարիքի դեմ Քրիստոսի հաղթանակով ամեն տարի վերստին լուսավորվում է մարդկային կյանքի ճանապարհը:
Ավագ շաբաթ օրը նշվում է Հիսուսի կողմից դժոխքի ավերումը և արդար հոգիների ազատումը: Ըստ եկեղեցական կարգի՝ շաբաթ երեկոյան կատարվում է Ճրագալույցի Սբ. Պատարագ, որի  ավարտին ազդարարվում է Փրկչի հրաշափառ Հարության ավետիսը՝ «Քրիստոս յարեաւ ի մեռելոց.  օրհնեալ է Յարութիւնը  Քրիստոսի:

Այս ավետիսով ավարտվում է Մեծ Պահքը: Զատիկը շարժական տոն է, որն այս տարի տոնվեց ապրիլի 8-ին: Սուրբ Հարության տոնին նախորդող շաբաթ երեկոյան Եղեգնաձոր քաղաքի Սբ. Աստվածածին եկեղեցում կատարվեց Ճրագալույցի Սբ. Պատարագ: Պատարագիչն էր  Նորավանքի հոգևոր հովիվ Տեր Սեպուհ քահանա Հարությունյանը:
Վայոց Ձորի թեմի ՔԴԿ-ի նախաձեռնությամբ Եղեգնաձոր քաղաքի դպրոցների աշակերտներն  օրհնված մոմեր  բաժանեցին Եղեգնաձորի բնակիչներին:

Հաջորդ օրը Եղեգնաձոր քաղաքի Սբ. Աստվածածին եկեղեցում մատուցվեց Սուրբ Պատարագ: Զատկական Սուրբ Պատարագը մատուցեց Տեր Վազգեն քահանա Հովհաննիսյանը, ով Սբ Պատարագի ընթացքում ներկաներին փոխանցեց Ամենայն Հայոց Կաթողիկոս Գարեգին Բ-ի օրհնությունը և Հարության տոնի Հայրապետական Պատգամը:

This slideshow requires JavaScript.

Սբ. Պատարագից հետո ներկաներին բաժանվեցին օրհնված հավկիթներ:

Այնուհետև ՔԴԿ-ի  կողմից Սբ. Աստվածածին եկեղեցու բակում անցկացվեց ածիկների մրցույթ, որի ընթացքում հետաքրքիր ձևավորումներով ածիկներ ներկայացրին Վայոց Ձորի թեմի սաները և Եղեգնաձորի ավագ (ուսուցչուհի՝ Հրանուշ Եսայան), թիվ 1 հիմն. (ուսուցչուհի՝ Բայաթյան Եսենիա) և թիվ 2 հիմն. (ուսուցչուհի՝ Ռուզան Կարապետյան) դպրոցների աշակերտները:
Ածիկը համարվում է մեռնող ու հառնող կյանքի խորհրդանիշ. ցորենը ցանում ես՝ մեռնում է, հետո ծլում է ու միջուկից դուրս է գալիս կանաչը` խորհրդանշելով նոր կյանքի սկիզբը:

Զատկի տոնին հավկիթը  խորհրդանշում է երկրագունդը, իսկ կարմիր ներկելը խորհրդանշում է խաչի վրա մարդկանց մեղքերի թողության համար Հիսուսի թափած Արյունը:

Զատկի սեղանին սովորաբար դրվում է ձու, ձուկ, չամչով փլավ, տապակածկանաչի, որոնք ունեն իրենց խորհուրդները: Այդ օրը Տեր Վազգեն քահանա Հովհաննիսյանն այցելեց նաև Մալիշկայի Սբ. Աննա և Թառաթումբի Սբ. Հովհաննես եկեղեցիներ, որտեղ նույնպես ներկայացվեց Սուրբ Հարության տոնի խորհուրդը: Continue reading