Վայոց Ձորի թեմ

ՍՈՒՐԲ ԾՆՆԴՅԱՆԸ ՆՎԻՐՎԱԾ ՄԻՋՈՑԱՌՈՒՄ ՉԻՎԱՅԻ ՄԻՋՆԱԿԱՐԳ ԴՊՐՈՑՈՒՄ

Advertisements

Դեկտեմբերի 27-ին Չիվայի միջնակարգ դպրոցում կայացած միջոցառումը նվիրված էր Սուրբ Ծննդյան  խորհրդին:

Ներկա էին ծնողներ, աշակերտներ, ուսուցիչներ եւ տնօրինությունը: 6-րդ դասարանի աշակերտները հարց ու պատասխանի միջոցով ներկայացրին Աստծո անճառելի գոյությունը եւ անսահման սերը, որի հաստատումն էր Հիսուսի ծնունդը: Ներկայացրին հովիվների եւ մոգերի այցելության խորհուրդը, ինչպես նաև հունվարի 5-ի, 6-ի եւ 7-ի խորհուրդները:

Աշակերտները հանդես եկան հրեշտակի, մարգարեի, Մարիամի և Հովսեփի կերպարներով: Ներկայացան նաեւ ծառերի` թթենու, արմավենու և եղեւնու դերերում: Այնուհետեւ եղեւնին զարդարվեց «երկնքից իջած աստղերով» եւ առաքինության բառերը կրող թղթե խաղալիքներով, որով արտահայտեցին այն գաղափարը, թե մարդն իր մեջ կկրի Աստծո լույսը, եթե իրեն զարդարի քրիստոնեական առաքինություններով:

Վերջում բոլորին ու ողջ աշխարհին մաղթեցին աստվածային սեր, որովհետև  ով սիրո մեջ է ապրում, բնակվում է Աստծո մեջ, և Աստված բնակվում է նրա մեջ:

Վայոց Ձորի թեմի

Քարոզչական կենտրոն

27.12.2012թ.

Advertisements