Վայոց Ձորի թեմ

Հայոց եկեղեցու պատմության ուսուցիչների ժողով առաջնորդարանի դահլիճում

Advertisements

Սույն թվականի մարտի 15-ին Վայոց Ձորի թեմի առաջնորդարանի դահլիճում, նախագահությամբ թեմի փոխառաջնորդ Տ. Զարեհ վրդ. Կաբաղյանի, տեղի ունեցավ Հայ եկեղեցու պատմության ուսուցիչների հերթական ժողովը:

Այն բացվեց աղոթքով, որից հետո թեմի ՔԴԿ-ի տնօրեն Ռ. Կարապետյանը ներկայացրեց օրակարգը: Ժողովում քննարկվեցին Սբ. Հարության տոնին նվիրված դպրոցներում միջոցառումների կազմակերպմանը: Ռ. Կարապետյանն ուսուցիչներին տվեց միջոցառումների սցենարների օրինակներ:

Հայր Սուրբը հոգևոր-մշակութային դաստիարակության առումներով կարևորեց ազգային եկեղեցական տոներին նվիրված միջոցառումների անցկացումը դպրոցներում և այս անգամ էլ պահանջեց, որ բոլոր դպրոցներում անցկացվող Սբ. Հարությանը նվիրված միջոցառումների նյութերը տրամադրվեն թեմի կայքէջի աշխատակազմին: Ապա նա բանախոսեց դասագրքերում առկա աղանդավորության վերաբերյալ նյութերի շուրջ: Եղան ակտիվ քննարկումներ:

Ժողովը փակվեց աղոթքով: Հավարտ ժողովի ուսուցիչները Եղեգնաձորի Սբ. Աստվածածին եկեղեցում մասնակցեցին Մեծ Պահոց շրջանի` ուրբաթօրյա Հանգստյան ժամերգությանը:

Վայոց Ձորի թեմի ՔԴԿ-ի
լրատվության բաժին

Advertisements