ԲԱՐԻ ԼՈՒՐ


«Հայկական լեռնաշխարհից ծնված ոգին» համահայկական մանկապատանեկան նկարչական չորրորդ մրցույթ-փառատոնին Վայոց Ձորի թեմի կողմից ներկայացված էին Սահակյան Սարինեի՝ «Արա Գեղեցիկ   և Շամիրամ», Սահակյան Հովհաննեսի՝ «Հայկ և Բել», Պողոսյան Գոռի՝ «Քաջ Նազար», Կարապետյան Մերիի՝ «Հայկական պար», Ռուստամյան Անիի՝  «Գյուղում», Նոնա Մինասյանի՝ «Հայկական լեռնաշխարհ», Արփինե Սուքիասյանի՝ «Հայկական լեռնաշխարհից ծնված ոգին», Նաիրա Իխտիարյանի՝  «Հեռավոր իմ գյուղը», Դավիթ Ասլանյանի՝ «Հայաստան», Նոնա Ստեփանյանի՝ «Իմ Հայրենիքը», Արամ Վարդանյանի՝ «Սուրբ Աստվածածին» և Տիգրան Մարգարյանի՝ «Հայոց լեռնաշխարհ» նկարչական աշխատանքները:

Ուրախությամբ հայտնում ենք, որ մասնագիտական հանձնաժողովի կողմից առաջին փուլի արդյունքների ամփոփման արդյունքում, Վայոց Ձորի թեմի մասնակիցներից 2-րդ փուլ են անցել  Նաիրա Իխտիարյանը (նկարի անուն՝ «Հեռավոր իմ գյուղը») և Նոնա Մինասյանը (նկարի անուն՝ «Հայկական լեռնաշխարհ»)՝ իրենց նկարչական աշխատանքներով:

 Ահա նրանց աշխատանքները.

2-րդ փուլ անցած աշխատանքները ցուցադրվելու են Երևանի Մանկական ստեղծագործության թանգարանի ցուցասրահում և տպվելու են  պատկերագրքում:

Աշխատանքների ընտրությունը կատարվել է մրցույթ-փառատոնի առաջարկված գաղափարի համապատասխանության, փառատոնի պահանջների պահպանման (օրինակ` չափը, տարիքը), մտքի խորաթափանցության, գեղագիտական որակների դրսևորման և թեմային յուրովի մոտեցում ցուցաբերելու հիման վրա: Հատուկ ուշադրության են արժանացել նախագծային հայտերը ու հետազոտական և հայագիտական էլեմենտներ կրող աշխատանքները:

Սրտանց  շնորհավորում ենք Վայքի Ս. Տրդատ եկեղեցուն կից «Ս. Տրդատ» Քրիստոնեական դաստիարակության կենտրոնի սաներ Նաիրա Իխտիարյանին և Նոնա Մինասյանին  ու նրանց ուսուցչուհի Ռոզա Դովլաթյանին՝ «Հայկական լեռնաշխարհից ծնված ոգին» համահայկական մանկապատանեկան նկարչական չորրորդ մրցույթ-փառատոնին մասնակցելու և 2-րդ փուլ անցնելու առթիվ:

Մաղթում ենք, որ 2-րդ փուլին նույնպես հաղթող ճանաչվեք:

Ահա մրցույթ-փառատոնին թեմի կողմից նկարչական աշխատանքներ ներկայացրած սաների աշխատանքները.

Ձեզ նույնպես մաղթում ենք նոր ստեղծագործական մտահղացումներ ու հաղթանակներ:

Վայոց  Ձորի թեմի
լրատվության բաժին

 

Advertisements

ԿԻՐԱԿՆՕՐՅԱ ԿՐԹՕՋԱԽՆԵՐԻ ՄԱՆԿԱՎԱՐԺՆԵՐԻ ՎԵՐԱՊԱՏՐԱՍՏՈՒՄ ԾԱՂԿԱՁՈՐՈՒՄ


Հունիսի 23-29-ը Մայր Աթոռ Սբ. Էջմիածնի Քրիստոնեական դաստիրարակության կենտրոնի և «Վորլդ Վիժն» /World Vision/ միջազգային բարեգործական կազմակերպության կողմից կազմակերպվել էր կիրակնօրյա կրթօջախների ուսուցիչների մեկշաբաթյա վերապատրաստման դասընթաց, որին Վայոց Ձորի թեմից մասնակցեցին կրոնի ուսուցիչներ՝ գլխավորությամբ Վայքի տարածաշրջանի հոգևոր հովիվ Տ. Մարտիրոս ավագ քահանա Ավետիսյանի:

Հանդիպման առաջին օրն ուսուցիչներին իր օրհնությունն ու ողջույնի խոսքը փոխանցեց Գերաշնորհ Տեր Առաքել եպիսկոպոս Քարամյանը: Ուսուցիչներին ողջունեցին նաև «Վորլդ Վիժն» միջազգային բարեգործական կազմակերպության` Եկեղեցու և պետության հետ կապերի բաժնի պատասխանատու Կարինե Հարությունյանը, Մայր Աթոռ Սբ. Էջմիածնի ՔԴԿ տնօրեն Հոգշ. Տ. Վարդան վրդ. Նավասարդյանը, Աժ պատգամավոր Կարինե Աճեմյանը և ԿԳՆ ներկայացուցիչ:

Դասընթացի յուրաքանչյուր օրը մեկնարկում էր հրավիրյալ հոգևոր հայրերի կողմից Սուրբ Գրքի սերտողությամբ: Օրվա ավարտին Կեչառիս վանքի Սուրբ Գրիգոր Լուսավորիչ եկեղեցում դասընթացի մասնակից հոգևոր հայրերի կողմից կատարվում էր երեկոյան ժամերգություն և տրվում էր հոգևոր պատգամ:

Ուսանելի բանախոսություններով հանդես եկան Մայր Աթոռ Սուրբ Էջմիածնի հոգևորականներ և աշխարհիկ դասախոսներ. Արժ. Տ. Եղիշե ավագ քհն. Սարգսյան՝ «Հայ Եկեղեցին 20-21-րդ դդ.», Ա. Քալաշյան՝ «Առաքելական շրջան, վաղ եկեղեցի», Գերաշնորհ Տ. Միքայել եպս. Աջապահյան «Հայ Եկեղեցու վախճանաբանությունը», Արշավիր Գաբուջյան՝ «Աստվածաշունչը հանապազօրյա գիրք», Արժ. Տ. Եսայի քհն. Արթենյան՝ «Երեխայի կյանքին վտանգող կրոնական հարանվանությունները 21-րդ դ.»,  Տ. Մուշեղ եպս. Բաբայան՝ «Հայ Եկեղեցին 5-15-րդ դարերում», Գերաշնորհ Տ. Տաթև արքեպս. Սարգիսյան՝ «Ազգային եկեղեցական տոների կարևորությունը երեխայի հոգևոր-ազգային դաստիարակության գործում», Արժ. Տ. Պարույր քհն. Ավետիսյան՝ «Օրենքի ընկալումը Ս. Գրքում և դրանից դուրս», Հոգշ. Տ. Պետրոս վրդ. Եսայան՝ «Հավատքի անհրաժեշտությունը մարդկային կյանքում», Գերշ. Տ. Վազգեն եպս. Միրզախանյան՝ «Հայ Եկեղեցու յոթ սրբազան խորհուրդները», Գրիգոր Դարբինյան՝ «Աստվածաշնչի ընթերցանությունը փրկության ուղի», Հոգշ. Տ. Վարդան վրդ. Նավասարդյան՝ «Հայ եկեղեցական տոնածիսական համակարգը»,  Տ. Նշան քհն. Պանֆյորով՝ «Երեխայի կրթական հարցերում խաղերի կազմակերպումը»: