Վայոց Ձորի թեմ

Քննարկում՝ «Գենդերային հավասարություն և քրիստոնեություն» թեմայով

Advertisements

Ս/թ-ի դեկտեմբերի 13-ին Վայոց ձորի թեմի առաջնորդարանի  դահլիճում տեղի ունեցավ թեմի Երիտասարդաց միության  կազմակերպած հերթական քննարկումը՝ «Գենդերային հավասարություն և քրիստոնեություն» թեմայով :

Օրվա բանախոսն էր Եղեգնաձորի տարածաշրջանի հոգևոր հովիվ Տեր Վազգեն քահանա Հովհաննիսյանը:

Տեր հայրը  քննարկումն սկսեց աղոթքով, այնուհետև  բացատրեց  գենդերային հավասարության էությունը, ապա քրիստոնեական տեսանկյունով  ներկայացրեց դրա քայքայիչ ազդեցությունն  ամբողջ  հասարակության վրա:  Սբ.  Գրային մեջբերումներով   տեր հայրը բացատրեց  նրա բացասական ազդեցությունը  քրիստոնյայի հոգևոր-բարոյական  դիմագծի վրա:  Քննարկվեց  նաև թիվ 57 օրենքը, ինչը վերաբերում էր օրվա նյութին:  Հարց  ու պատասխանի միջոցով ծավալվեց ակտիվ քննարկում, որի արդյունքում  ձևավորվեց  միասնական անփոփոխ կարծիք. ըստ որի՝   վերոնշյալ հոդվածը կործանարար է հայ մարդու, հայ ընտանիքի, ողջ հասարակության  և  հատկապես Հայաստանի   նման   փոքր երկրի   համար:

Տեր  Հայրը քննարկումն   ավարտեց  աղոթքով ՝ մաղթելով ներկաներին շարունակել ապրել   հայ քրիոտոնյային հարիր բարձր հոգևոր արժեքներով:

Վայոց    Ձորի    թեմի
Երիտասարդաց միություն

Advertisements