Սբ. Սարգսի տոնը Եղեգնաձորում


<<Երկնավոր Թագավորի սուրբ զորապետ, անմահի սիրով աշխարհին խաչված Սուրբ Սարգիսպսակված Տիրոջ հաղթող խաչով մեր անձերի փրկության համար եղիր բարեխոս մեր և Տեր Փրկիչ Հիսուս Քրիստոսի մոտ, ում վայել է փառք, իշխանություն և պատիվ>>:

Փետրվարի 14-ին՝ ժամը 10:30-ին, Եղեգնաձորի Սբ. Աստվածածին եկեղեցում մատուցվեց Տյառնընդառաջին նվիրված Սբ. Պատարագ: Պատարագիչն էր Եղեգնաձորի տարածաշրջանի հոգևոր հովիվ Տ. Վազգեն քահանա Հովհաննիսյանը:

Նույն օրը՝ ժամը 15:30-ին, Սբ. Աստվածածին եկեղեցում տեղի ունեցավ Սբ. Սարգսի տոնի նախատոնակը, ապա բաժանվեցին աղի բլիթներ, որոնք նախորդ օրը երեկոյան թեմի Երիտասարդաց միության անդամների նախաձեռնությամբ էին պատրաստվել  առաջնորդարանում:

Այնուհետև եկեղեցու բակում ելույթ ունեցավ Արենիի պարի համույթը՝ ղեկավարությամբ Դավիթ Հովհաննիսյանի: Նրանց ժողովրդական ուրախ պարերն արժանացան հանդիսատեսի բուռն ծափողջույններին: Continue reading

Երիտասարդների օրհնության կարգ Ջերմուկի Սբ. Գայանե եկեղեցում


Փետրվարի 15-ին՝ Սբ. Սարգսի տոնի օրը, Ջերմուկի Սբ. Գայանե եկեղեցում տեղի ունեցավ Երիտասարդների օրհնության կարգ:

 

Եկեղեցում հավաքված երիտասարդներին օրհնեց Ջերմուկի տարածաշրջանի  հոգևոր հովիվ Տեր Գալուստ քահանա Սահակյանը և մաղթեց, որ Աստված ի կատար ածի բոլոր երիտասարդների ցանկությունները:

Տյառնընդառաջի տոնը Եղեգնաձորում


Փետրվարի 13-ին՝ ժամը 17:30-ին, Եղեգնաձորի Սուրբ Աստվածածին եկեղեցում տեղի  ունեցավ Տյառնընդառաջին նվիրված եկեղեցական արարողություն, որին ներկա էին Վայոց ձորի մարզպետ Էդգար Ղազարյանը, մարզպետարանից աշխատակիցներ, թեմի կառույցների աշխատակիցները և բազմաթիվ հավատացյալներ:

Լուսանկարները` Լիպարիտ Ասատրյանի

Երեկոյան ժամերգության ավարտին հավաքված հավատացյալները դուրս եկան եկեղեցու բակ, ուր վառեցին խորհրդանշական կրակը, ապա ներկաներին բաժանվեցին Տյառնընդառաջի տոնին բնորոշ ավանդական քաղցրավենիքներ:

Լուսանկարները` Լիպարիտ Ասատրյանի

Այնուհետև Սբ. Խորանի վրայից իրենց մոմերը վառեցին հավատացյալներն ու Վայոց ձորի մարզպետ Է. Ղազարյանի և Տ. Վազգեն քահանա Հովհաննիսյանի առաջնորդությամբ երթով շարժվեցին դեպի <<Արագիլ>> կինոթատրոնի բակ, ուր նույնպես վառեցին Տյառնընդառաջի խարույկը, ապա ողջույնի խոսքով հանդես եկան Տեր  Հայրը և մարզպետ Է. Ղազարյանը: Continue reading

Տյառնընդառաջի և Սուրբ Սարգսի տոները Մալիշկայի Սբ. Աննա եկեղեցում


<<Տե՛րթող բացվեն  մեր  աչքերը>>:

(ՄտթԻ 33)

 

Փետրվարի 13-ին Մալիշկա համայնքի Սբ. Աննա եկեղեցում Տյառնընդառաջի նախատոնակն էր:

Եկեղեցում ներկա էին Մալիշկայի համայնքապետ Մհեր Մովսիսյանը, գյուղապետարանից աշխատակիցներ, եկեղեցու այս տարվա խաչքավոր Սամվել Սարգսյանը, Մալիշկայի թիվ 1 և թիվ 2 միջն. /վերջերս անվանակոչվեց Մ. Լոմոնոսովի անունով/ դպրոցների աշակերտները, ուսուցիչները և բազմաթիվ հավատացյալներ:

Տյառնընդառաջի տոնի մասին խոսեց Եղեգնաձորի տարածաշրջանի հոգևոր հովիվ Տ. Վազգեն քահանա Հովհաննիսյանը, ապա վառեցին Տյառնընդառաջի խարույկը: Այնուհետև ներկաներին բաժանվեցին Տյառնընդառաջի տոնին բնորոշ ավանդական քաղցրավենիքներ:

Տոնական տրամադրությունն էլ ավելի ջերմացավ, երբ ելույթ ունեցավ <<Մալիշկա>> պարային համույթը՝ ղեկավարությամբ Դ. Մարտիրոսյանի:

Փետրվարի 14-ին՝ ժամը 18:00-ին, Մալիշկայի Սբ. Աննա եկեղեցում տեղի ունեցավ Սբ. Սարգսի տոնի նախատոնակը, որից հետո երիտասարդներին բաժանվեցին աղի բլիթներ, ապա ելույթ ունեցավ <<Hay fire>> պարի խումբը՝ ներկայացնելով կրակների պարային շոու: Մալիշկա համայնքում առաջին անգամ էր <<Hay fire>> պարի խումբը ելույթ ունենում: Նրանց յուրովի կատարումները հիացրին ներկաներին:

Continue reading

ՍՈՒՐԲ ՍԱՐԳԻՍ ԶՈՐԱՎԱՐԻ ՏՈՆԸ


«Երկնավոր Թագավորի սուրբ զորապետ, անմահի սիրով աշխարհին խաչված Սուրբ Սարգիս,  պսակված Տիրոջ հաղթող խաչով մեր անձերի փրկության համար եղիր բարեխոս մեր և Տեր Փրկիչ Հիսուս Քրիստոսի մոտ, ում վայել է փառք, իշխանություն և պատիվ>>:

Ամենայն Հայոց Գարեգին Բ Հայրապետի տնօրինությամբ Սբ. Սարգսի տոնը հռչակվել է Երիտասարդների օրհնության օր: Հայ Առաքելական Սուրբ Եկեղեցու տոնացույցում Սբ. Սարգսի տոնը դասվում է շարժական տոների շարքին` ունի 35-օրվա տեղաշարժ: Այս տարի տոնը նշվեց փետրվարի 15-ին:

Ըստ ավանդության՝ Սուրբն ապրել է 4-րդ դարում և զինվորական է եղել: Կոնստանդիանոս Մեծ կայսեր կողմից նշանակվել է Կապադովկիայի հունական զորքերի հրամանատար: Դրանից հետո տեղափոխվել է Հայաստան: Մահացել է քրիստոնյաների դեմ մղվող պատերազմում, երբ իր Մարտիրոս անունով զավակի ու 14 զինվորների հետ պայքարել է հանուն քրիստոնեական հավատքի: Հետագայում Մեսրոպ Մաշտոց վարդապետը Սուրբ Սարգսի մասունքները բերում է Կարբի (Աշտարակի շրջան)՝ տեղում կառուցելով նրա անունը կրող եկեղեցի: Continue reading