Օգոստոսի 25-ին տեղի ունեցավ «Աջակից» հոգեբանական ակումբի հերթական հանդիպումը: Հանդիպման բանախոսն էր հոգեբան Աշխեն Սարգսյանը: Հանդիպման թեման էր` «Ժամանակային և հոգեբանական տարիք»:

Օրվա թեմային անդրադառնալուց առաջ անդրադարձ կատարվեց նախորդ թեմաներին: Սեմինարի ժամանակ քննարկվեցին հետևյալ հարցերը՝

1.Տարիքի հասկացությունը հոգեբանության մեջ:

2.Ժամանակային և հոգեբանական տարիք:

3.Ինչպե՞ս որոշել անձի հոգեբանական տարիքը:

4.Ի՞նչ անել միշտ հոգեբանորեն երիտասարդ լինելու համար:

Սեմինար-քննարկման ժամանակ անցկացվեցին մի քանի հոգեբանական թեստեր. ներկաները պարզեցին իրենց հոգեբանական տարիքը: Միշտ հոգեբանորեն երիտասարդ լինելու համար անձի ակտիվության դրդապատճառներն ու նպատակները պետք է ուղղված լինեն դեպի ապագան: Հոգեբանը նշեց, որ ծերությունը այցելում է այն ժամանակ, երբ մենք թույլ ենք տալիս, և որքան մարդը հոգեբանորեն երիտասարդ է, այնքան ավելի երջանիկ է: Եվ բոլորին մաղթեց, որ հավերժ հոգեբանորեն երիտասարդ լինեն: Ավարտին հոգեբանը պատասխանեց ներկաներին հուզող հարցերին:

Հաջորդ հանդիպումը տեղի կունենա սեպտեմբերի 10-ին՝ ժամը 18:00 : Թեման` «Վախ, ֆոբիա»:

Երիտասարդաց  միություն