“Սուրբ Ծննդյան Ավետիս” ծրագիրը սահմանամերձ Խաչիկ համայնքում


Այս տարվա Սուրբ Ծննդյան տոնական արարողությունների հետ մեկտեղ Ս. Աստվածածին եկեղեցու երգչախմբի երեխաները նախաձեռնեցին <<Սուրբ Ծննդյան Ավետիս>> ծրագիրը: Ծրագրի շրջանակներում երեխաները այցելեցին Խաչիկ համայնքում ապրող միայնակ ծերերին ու հաշմանդամներին:

Ծրագրի նպատակն էր Քրիստոսի Ս.Ծննդյան բարի լուրը հասցնել նաև այն անձանց, ովքեր տարբեր պատճառներով չէին կարողացել եկեղեցի գալ և մասնակցել տոներին: Երեխաները մեծ ոգևորությամբ քաղցրավենիք, մրգեր, սրբապատկերներ ու խաչեր էին նախապատրաստել այցելության համար:

Հյուրընկալվելով երեխաները՝ սիրով ու ջերմությամբ էին շրջապատում տարեցներին` երգելով ու ուրախացնելով նրանց: Այս քայլով նրանք ցույց տվեցին, որ անտարբեր չեն իրենց համայքում ապրող և տարիներ առաջ, երբ դեռ իրենք ծնված էլ չէին, իրենց հայրենիքը պաշպանած համագյուղացիների հանդեպ: <<Հավատքն առանց գործերի մեռած է>>,- ասում է Պողոս Առաքյալը: Ուրեմն գործնականացնենք մեր քրիստոնեական հավատքը` անտարբեր չմնալով մեր հայրենակիցների հանդեպ և օրինակ դառնալով մատաղ սերնդին:

Համայնքում մեկնարկել է նաև Սուրբ Ծննդյան տնօրհնյաց շրջանը, և շուրջ 50 օջախներ արդեն օրհնվել են:

Արսեն սարկավագ Մաթևոսյան

ՀՀ  ԶՈՒ հոգևոր սպասավոր

Արսեն սարկավագ Մաթևոսյան

ՀՀ ԶՈՒ հոգևոր սպասավոր

Advertisements