Մրցանակներ Հայոց  եկեղեցու պատմության ուսուցիչներին


Անցյալ տարի Հայ Առաքելական Սուրբ Եկեղեցու Քրիստոնեական դաստիրակության կենտրոնի և ՀՀ կրթության և գիտության նախարարության նախաձեռնությամբ Հայաստանի Հանրապետության դպրոցներում կազմակերպվել էր «Ավետարանական առակներն հայ դպրոցում» հանրապետական մրցույթը:

Մրցույթին հաջողությամբ մասնակցեցին նաև Վայոց ձորի մարզի Հայոց եկեղեցու պատմության ուսուցիչները:

Այսօր Եղեգնաձորի Սուրբ Աստվածածին առաջնորդանիստ եկեղեցում Հայ Առաքելական Սուրբ Եկեղեցու ՔԴԿ-ի կողմից  Եղեգնաձորի տարածաշրջանի ուսուցիչներին շնորհված հավաստագրերն ու օրհնության գրերը նրանց հանձնեց Վայոց ձորի թեմի փոխառաջնորդ Տ. Զարեհ Վարդապետ Կաբաղյանը:

 Նախ օրհնության կարգով հանդես եկավ Հայր Սուրբը, ապա խոսքերով հանդես եկավ Հայ Առաքելական Սուրբ Եկեղեցու ՔԴԿ-ի Եղեգնաձորի տարածաշրջանի պատասխանատու պարոն Հուսիկ Հարությունյանը և Քարագլուխ համայնքի դպրոցի տնօրեն Գայանե Հովհաննիսյանը:

Միասնական աղոթքի վերջում Հայր Սուրբը «Պահպանիչ» աղոթքով օրհնեց ներկաներին:

Advertisements