Վայոց Ձորի թեմ

Իրականացվեց «Ամանորյա ժպիտ» բարեգործական ծրագիրը

Advertisements

«Ավելի երանելի է տալը, քան առնելը»
(Գործք, 20.35)

Դեկտեմբերի 29-ին Վայոց ձորի թեմի Երիտասարդաց միության  անդամները, Եղեգնաձորի տարածաշրջանի  հոգևոր հովիվ արժանապատիվ Տեր  Վազգեն քահանա Հովհաննիսյանի գլխավորությամբ, այցելեցին Եղեգնաձորի  մի շարք բնակարաններ և իրականացրին «Ամանորյա ժպիտ» բարեգործական ծրագիրը:

Ծրագրի  կարգախոսն էր `«Օգնենք, որ  այս Ամանորին ժպտան նաև անապահով ընտանքի երեխաները»: Այս ծրագիրն իրականացնելու համար միության անդամները   գանձանակներ տեղադրեցին  Եղեգնաձոր քաղաքի «Տապան»,  «Նորից նոր»,  «Մինի Մարկետ», «Արմեն-Սաթիկ» խանութներում և  Վայոց ձորի տարածաշրջանի պետական քոլեջում: ԵՄ-ի անդամները նաև  համագործակցեցին Մալիշկա N1, Շեկո, Ա/Ձ Գրիգոր Հովհաննիսյան և Գետնատուն  գինու գործարանի հետ:

Նրանք ջանք ու եռանդ չէին խնայել, որպեսզի ձեռք բերեին համապատասխան գումար` սնունդ գնելու համար: Ծրագիրն ավարտվեց հաջողությամբ, և  7 անապահով ընտանքիներ  ստացան աջակցություն:

Մեր շնորհակալություն ենք հայտնում բոլոր այն անհատներին և կազմակերպություններին, որոնք հավատացին մեզ և աջակցեցին, որպեսզի այս ծրագիրը հաջողություն ունենա:

Երիտասարդաց միություն

 

Advertisements