Ամանորյա նվերներ սոցիալապես անապահով ընտանիքների երեխաներին


Հունվարի 13-ին Վայոց ձորի թեմի առաջնորդարանում թեմի աշխատակցուհի Խնկանուշ Մարկոսյանի նախաձեռնությամբ տեղի ունեցավ ամանորյա միջոցառում, որին ներկա էին Եղեգնաձորի տարածաշրջանի հոգևոր հովիվ Տ. Վազգեն քհն. Հովհաննիսյանը, թեմի աշխատակիցներ, սոցիալապես անապահով ընտանիքների երեխաներ ու ծնողներ:

Սկզբում օրհնության խոսքով հանդես եկավ Արժ. Տեր Հայրը, ով շնորհավորեց ներկաներին Ամանորի ու Սուրբ Ծննդյան տոների առթիվ՝ ցանկանալով հաջողություն և նպատակների իրականացում:

Այնուհետև երեխաները տոնածառի շուրջ ամանորյա երգերի կատարումներով հանդես եկան, ինչպես նաև արտասանեցին, պարեցին ու հետաքրքիր խաղեր կազմակերպեցին:

Վերջում բոլոր երեխաներին բաժանվեցին ամանորյա նվերներ, որոնք տրամադրել էր «Արեգակ» ունիվերսալ վարկային կազմակերպությունը:

Սիրան Սարգսյան
Թեմի լրատվության
բաժնի պատասխանատու

Advertisements