Տյառնընդառաջին նվիրված տոնակատարություն Եղեգնաձորում


Հայաստանյայց Առաքելական Սուրբ Եկեղեցին ամեն տարի փետրվարի 14-ին տոնում է Տյառնընդառաջը:
Փետրվարի 13-ին՝ ժամը 17:30-ին, Եղեգնաձորի Սուրբ Աստվածածին առաջնորդանիստ եկեղեցում տեղի ունեցավ Տյառնընդառաջին նվիրված եկեղեցական արարողություն, որին ներկա էին Վայոց ձորի թեմի, մարզային իշխանությունների,  Պատմական միջավայրի պահպանության Վայոց ձորի մարզային ծառայության աշխատակիցներ ու բազմաթիվ հավատացյալներ:

Եղեգնաձորի տարածաշրջանի հոգևոր հովիվ Տեր Վազգեն քահանա Հովհաննիսյանը, շնորհավորելով ներկաներին ու բոլոր նորապսակներին տոնի կապակցությամբ և հանդես եկավ տոնի խորհուրդը  քարոզող հայրական խոսքով:

Երեկոյան ժամերգության և Անդաստանի արարողության ավարտին Արժանապատիվ Տեր Հայրը, Ս. Խորանի վրայից վառելով մոմը, եկեղեցու բակում վառեց Տյառնընդառաջի  խորհրդանշական խարույկը,  որի շուրջ ազգային երգերի կատարումներով հանդես եկան Եղեգնաձորի թիվ 2 հիմնական դպրոցի աշակերտները:

Այնուհետև ներկաները Ս. Խորանի վրայից իրենց մոմերը վառեցին և Տ. Վազգեն քահանա Հովհաննիսյանի առաջնորդությամբ երթով շարժվեցին դեպի «Արագիլ» կինոթատրոնի բակ: Այստեղ  նույնպես վառեցին Տյառնընդառաջի խարույկը:  Ողջույնի խոսքով կրկին հանդես եկավ Տեր  Վազգեն քահանա Հովհաննիսյանը:

«Արագիլ» կինոթատրոնի բակում շարունակվեց միջոցառման մշակութային հանդիսության մասը, որն իրականացվեց  Continue reading

Advertisements