ՀԵՐՈՍՆԵՐՆ ԱՆՄԱՀ ԵՆ


Տարիներ են անցել, բայց մինչ այսօր էլ Երկրորդ աշխարհամարտի պատճառած արհավիրքները թարմ են մնացել մարդկանց հիշողություններում: Նրանց սրտերում դեռ մնացել է անցյալի ցավը` այն փոխանցելով մատաղ սերնդին:

Մայիսի 9-ը հաղթանակի և խաղաղության տոն է: Այն Երկրորդ համաշխարհային պատերազմում տարած հաղթանակի օրն է, նաև Արցախի ազատության համար մղված մարտերի հաղթական օրն է: 1992թ. Մայիսի 9-ին Շուշիի ազատագրումը վճռորոշ եղավ, և թշնամին դուրս մղվեց պատմական Հայաստանի հողատարածքից:

Մայիսի 9-ին Մալիշկայի Հայրենական պատերազմում զոհված մարտիկների հուշարձանի մոտ տեղի ունեցավ միջոցառում, որին ներկա էին Մալիշկա գյուղի գյուղապետ Մհեր Մովսիսյանը` իր աշխատակազմով, Եղեգնաձորի տարածաշրջանի հոգևոր հովիվ Տեր Վազգեն քահանա Հովհաննիսյանը, Մալիշկայի թիվ 1 միջն. դպրոցի տնօրեն Արմեն Մարգարյանը, պատերազմի վետերաններ, Արցախի կռիվներին մասնակից ազատամարտիկներ, համագյուղացիներ, դպրոցականներ:

This slideshow requires JavaScript.

Ելույթ ունեցողների խոսքերն ուղղված էին հերոս մարտիկներին, որոնց շնորհիվ ձեռք բերվեցին մեր հաղթանակները:

Ելույթ ունեցան Մալիշկայի թիվ 1 միջն. դպրոցի սաները: Սրտառուչ խոսքեր ասացին: Ալբերտ և Զոյա Սարգսյանները (Ջիվանու անվան աշուղաական երգի դպրոցի սաներ) հայրենասիրական երգեր կատարեցին: Երգերը մեզ հիշեցնում էին Արցախում մարտնչած Ալիկ Մելքոնյանի, Բենիկ Գրիգորյանի, Ահարոն Բալասանյանի, Գագիկ Սարգսյանի անցած հերոսական ուղու մասին: Նրանք մերօրյա վահագներն են:

Նման միջոցառումներ, հատկապես ընդարձակ ծրագրով, ամեն տարի կազմակերպվում են Մալիշկայի թիվ 1 միջն. դպրոցում` շնորհիվ դպրոցի կազմակերպիչ Վ. Մարգարյանի և Զ. Օհանյանի: Վ. Մարգարյանի մտահղացումներից է նաև դպրոցում Հայրենագիտական թանգարան ստեղծելը:

Տարեցտարի պակասում է Երկրորդ աշխարհամարտի վետերան հայորդիների թիվը:

Հուշակոթողի բարձունքը հաղթահարող վետերաններին օգնում էին հարազատները` որդիներն ու թոռները, վետերաներից մեկին, որին օգնում էին վեր բարձրանալ, տեղ հասնելով, ուրախ ժպտաց` տեսնելով Տ. Վազգեն քահանային:

-Թող Աստված բոլորիս հույս ու ապավեն լինի, մեր աստվածասեր ժողովրդին խաղաղություն, հոգու անդորր ու հավատի մշտավառ լույս բերի,- քահանայի այս խոսքերը ջերմեռանդությամբ կրկնում էին երեխաներն ու ծաղիկներ դնում հուշակոթողին:

Տեր Վազգենի խոսքերն ուրախության զգացումով էին լցրել վետերանների սրտերը, նրանց տեղափոխել էին ուրախ մանկություն. ահա կավածեփ, իրար կպած փոքրիկ տներից դուրս են գալիս սիրասուն ծնողները, ուրախ ձեն տալիս դրկիցներին ու գնում գյուղից հեռու գտնվող եկեղեցին` Արկազի Սուրբ Խաչ վանքը: Տեսնում էին հավատքով լի իրենց ծնողներին, ովքեր մոմ էին վառում` աղոթք մրմնջալով: Continue reading

Advertisements

ՍՈՒՐԲ ՀԱՐՈՒԹՅԱՆ ՏՈՆԸ ՎԱՅՈՑ ՁՈՐՈՒՄ


Սուրբ Հարությունը Եկեղեցու տաղավար (մեծ) տոներից է: Խաչելությունից երեք օր հետո Հիսուս հարություն առավ: Խաչված Հիսուս Քրիստոսի հարությունը կարևորագույն խորհուրդ ունի քրիստոնյաների համար: Հիսուսի հարության ավետիսը նույն հուսադրիչ և կենսատու լուրն է, որ այսօր էլ տարածվում է աշխարհի չորս կողմերում:

Սուրբ Հարության տոնը կոչվում է նաև Զատիկ, որը նշանակում է զատում, բաժանում, հեռացում մեղքերից և իր վերջնական իմաստով` վերադարձ առ Աստված:

Աստվածորդին մեր մեղքերի համար մեռավ և Իր Սուրբ Արյունով սրբեց մեզ մեղքերից, որպեսզի Նրա անունով հավիտենական կյանք ունենանք:
<<Ես եմ հարություն և կյանք. Ով հավատում է Ինձ, թեպետև մեռնի, կապրի>> (Հովհ.11,25):
Փրկչի խաչելությամբ և հարությամբ հաստատվում է կյանքի և անմահության գաղափարը: Բոլոր նրանք, ովքեր Քրիստոսին ընդունում են որպես իրենց Փրկիչ և Տեր, բոլորը պիտի ժառանգեն երկնքի արքայությունը:
<<Ինչպես Ադամով բոլորը մեռնում են, նույնպես և Քրիստոսով ամենքը պիտի կենդանանան>>(Ա Կորնթ. 14,22):

Այս տարի Սուրբ Հարության տոնը համընկավ Մեծ եղեռնի օրվա հետ: Առավոտյան Եղեգնաձոր քաղաքում երթ կատարվեց դեպի Մեծ եղեռնի հուշաքար: Մեծ էր մասնակիցների թիվը:

This slideshow requires JavaScript.

Մասնակից խմբերը, այդ թվում և Վայոց Ձորի թեմի Եղեգնաձորի ՔԴԿ-ի կենտրոնը ունեին օրվա խորհուրդն արտահայտող ցուցապաստառներ: Սուրբ Հարության տոնին նախորդող շաբաթ երեկոյան Եղեգնաձոր քաղաքի Սբ. Աստվածածին եկեղեցում կատարվեց ճրագալույցի Սուրբ Պատարագ: Պատարագիչն էր Տեր Վազգեն քահանա Հովհաննիսյանը: Եղեգնաձոր քաղաքի ՔԴԿ-ի նախաձեռնությամբ մի խումբ փոքրիկներ վառվող, օրհնված մոմեր բաժանեցին քաղաքի հարյուր ընտանիքի: Բոլորն էլ ուրախությամբ ընդունեցին օրհնված մոմերը: Այնուհետև կենտրոնի աշխատակազմը թեմի սաների հետ մասնակցեցին ջահերով երթին: Continue reading

ԾԱՂԿԱԶԱՐԴԻ ՏՈՆԸ ՎԱՅՈՑ ՁՈՐՈՒՄ


Ծաղկազարդը Մեծ Պահքի յոթերորդ կիրակին է, հիշատակը մեր Տիրոջ` Հիսուս Քրիստոսի` Երուսաղեմ մուտք գործելու:

Քրիստոս հայտնում է աշակերտներին Իր գալիք Տառապանքների մասին` մինչ Երուսաղեմ գնալը: Մոտենալով քաղաքին` մոտակա գյուղ է ուղարկում աշակերտներին` պատվիրելով այնտեղից բերել մի կապված էշ ու մի ավանակ, որպեսզի մուտք գործի Երուսաղեմ:

Մեծ քաղաքի բնակիչները դիմավորում են Հիսուսին, ինչպես վայել էր Փրկչին, Թագավորին` արմավենու ճյուղեր ընծայելով ու իրենց զգեստները փռելով Նրա ճանապարհին:
Եղեգնաձոր քաղաքի բնակաիչներն այս տարի, ապրիլի 17-ին, Ծաղկազարդը դիմավորեցին տոնական տրամադրությամբ, իսկ այցելուների հոսքը եկեղեցի չէր դադարում:

This slideshow requires JavaScript.

Յուրաքանչյուր ոք, մտնելով Եղեգնաձորի Սբ. Աստվածածին եկեղեցի, հաճելի զգացում էր ունենում` տեսնելով ժպտերես փոքրիկներին` ուռենու ոստերով հյուսած ծաղկեպսակներով:
Սուրբ Պատարագի ավարտին երեխաներն օրհնված ոստեր բաժանեցին ներկաներին` չմոռանալով ասել իրենց սրտի խոսքը.
-Թո’ղ Քրիստոս բոլորիս օրհնություն, խաղաղություն, սեր, հոգու մաքրություն ու հավատի լույս բերի:
Դուրս ենք գալիս եկեղեցուց: Օրն այնքան էլ արևոտ չէր, բայց երեխաների հոգու արևը բավականացնում էր ամենքին` և’ ժպտերես անցորդներին, և’ ուսաողներին, և’ քաղցրախոս մայրերին, և’ բարձրահարկ շենքերում ապրողներին, բոլորի՜ն, բոլորի՜ն:

-Ե′ ս, ե′ ս, Աստված իմ, գիտե՞ ք՝ ում նվիրեցի ձոռքումս եղած ուռենու ճյուղը՝ հենց մեր դպրոցի տնօրենին,- հուզված ասում էր երեխաներից մեկը:

Դալար ու թարմ վերջին ուռենու ոստերով փոքրիկների խումբն ահա բարձրանում է  <<Գիտելիք>> համալսարանի աստիճաններով վեր: Նրանք մերթ ընդ մերթ շրջվում ու նայում էին մեզ` այնքա՜ն երջանիկ, այնքա՜ն ուրախ:

Զվարթ տրամադրությամբ այնուհետև ուղևորվեցինք Մալիշկա գյուղի Սբ. Աննա եկեղեցի:

Այստեղ Եղեգնաձորի հոգևոր հովիվ Տեր Վազգեն քահանա Հովհաննիսյանին անհամբեր սպասում էին փոքրիկները:  Տեսնելով նրան` երեխաները ժպտալով մոտեցան ու ողջունեցին: Տեր Վազգենն այստեղ ևս ներկայացրեց Ծաղկազարդի խորհուրդը, այնուհետև կատարեց մանուկների օրհնության կարգ:  Ծաղկազարդի մասնակիցները երբեք չեն մոռանա եկեղեցում լսած խոսքը.

-Այս մանուկների աչքերով պիտի նայենք աշխարհին, մարդկանց: Լինենք նրանց նման` հեզ ու խոնարհ, որովհետև  <<Խոնարհ հոգին Աստված չի արհամարհում>> (Սաղմ. 50,19):

    Սիրան Սարգսյան

Վայոց Ձորի թեմի ՔԴԿ-ի
լրատվության բաժին